A su 1997 in Sìnnia femus 14.594, pinnigaus in 4.351 famìllias. Su 96% biveus in bidda e totu, is atrus in Solanas, in Tasonis, in Santu Gragòriu e in su Villaggio delle Mimose.

In is ùrtimus 25 annus su tanti de genti ki bivit in bidda est amanniendi de su 2,6% a s’annu. Is dipromaus in su 1981 fiant 626 e in su 1991 funt ‘essius 1.369. Su pròpiu is laureaus, de 106 ki fiant in su 1981 funt ‘essius 174 in su 1991.

Ma, mancai su stùdiu, sempri prus genti arresùrtat kentz’‘e traballu, ca in su 1997 arresurtànt disimpreaus su 28% de sa genti in edadi de traballai (535 òminis e 617 fèminas).

A s’acabu de su 1996 is siendas de Sìnnia fiant 456: 162 artisanas e industrialis, 185 butegas e 109 de srebìtzius.

Is assòtzius ki trabàllant in sa curtura, in sa mùsiga e in su spetàgulu, assentaus a sa Lista Comunali, funt unus 30 e pinnìgant unas 700 personas.

De sportu (fuba, rugby, tennis, ping-pong, volley, basket, bicicreta ‘e monti, motocicreta induru, ginnàstiga, artis martzialis, pàtinus, arcu…) nci at 26 sotziedadis ki in totu faint unas 1.500 personas.