|
Su tempus in su sartu de Sìnnia dipendit de essi a canta a mari e est bonu in sa prus parti de s’annu, cun d-unu tanti de 18 a 20 gradus. Cand’est fridu meda no càlat prus pagu de 0 gradus e cand’est basca meda no àrtziat de prus de 36 gradus.
S’àcua est pagu, prus ki atru in otòngiu e a s’acabu de su beranu. In d-un’annu no proint prus de 500 millìmetrus de àcua, mancai ki in monti protzat calancuna cosa in prus.
Nìat pagu ‘ortas meda, giai sempri in monti e su pròpiu po sa nèbida.
Su bentu ki sùlat de prus est su bentu estu, friscu e sciutu, a bortas su bentu ‘e susu (tramuntana) puru. In prus su bent ‘e soli e, mancai prus pagu, bent ‘e mari, ki toteduus ndi betint umidori e àcua.
|
Tempus 
