Su Sìndigu at fatu un'ordinàntzia po s'àliga diferentziada, chi nàrat unas cantu noas de importu. Una ca su tetrapak imoi fait a ddu ponni cun su paperi, perou boghendindi totu sa pràstiga (su tuponi) e sciacuendiddu beni. Un'atra ca funt progetendi po fai s'Ecocentru, ca fiant a abetendi chi s'Arpas naressit ca eja a su logu chi iant scioberau.

Sàbudu su 24 e domìnigu su 25 de mesi de ladàmini  su Comunu de Sìnnia fait  "Monumentus Obertus", cumenti su chi faint de annus in Casteddu e no sceti. Fait a biri is monumentus de Sìnnia chentza de pagai nudda, cun in prus is ghias chi s'ant a contai is fatus de su logu.